Reiðskóli Mána

Reiðskóli Mána

Reiðskóli Mána 2018

Í sumar verða haldin reiðnámskeið á Mánagrund fyrir börn og unglinga, 7 ára og eldri. Upplýsingar um skráningu veitir Sigurlaug Anna í síma 855-3550 eða netfang annalauga@simnet.is

Búnaður Börnin fá allan almennan búnað tengdan útreiðum, ss, reiðhjálma, reiðtygi o.fl. Mikilvægt er að klæðnaður sé í samræmi við veður. – Auðveldara er að fara úr hlífðarfötum en að sækja þau langar leiðir. – Góð aðstaða er við Mánagrund, bæði innanhúss og utan.

Kennsla Börnunum er kennd almenn umgengni við hestinn, hvernig hægt er að nálgast hann og hvað eigi að varast. Þau læra að treysta hestinum. Þannig verða þau öruggari á baki. Lögð er áhersla á að byggja upp sjálfstraust nemenda. Reiknað er með einum hesti fyrir hvert barn. Tekin eru fyrir atriði eins og áseta, taumhald, nöfn tengd reiðtygjum og umhirðu reiðtygja. Ýmsir hlutar líkamsbyggingar hestsins eru skoðaðir. Þá er nemendum gerð grein fyrir skilningarvitum hestsins t.d. sjón, heyrn og tilfinningu. Kennslan er einstaklingsmiðuð, þar sem áhersla er lögð á færni hvers einstaklings. Nemendum er skipt í hópa miðað við kunnáttu og reynslu. Þá miðast kennsla hvers hóps við að sem flestir í hópnum fái góða þjálfun. Markmiðið er að það sé skemmtilegt að læra og allir fái að njóta sín. Þeir sem hafa náð ákveðinni færni fara í leiki, leysa þrautir. Lengra komnir nemendur fá viðbótarnámsefni.

Skipulag námskeiða eru þannig að tveggja vikna námskeið eru í boði. (Sjá námskeiðsáætlun hér að neðan.) Kennt er annað hvort fyrir hádegi eða eftir hádegi þ.e. kl 10:00 – 12:00 og 13:00 – 15:00. ATH að ekki er mögulegt að breyta, nema undir sérstökum kringumstæðum. Áríðandi Bóka þarf í tíma. Nemendafjöldi í hverju námskeiði er takmarkaður og miðast við fjölda hesta. Sum námskeið fyllast fyrr en önnur.

Námskeiðsáætlun sumar 2018 11. júni – 22  júni 2 vikur f.h. almennt námskeið. 10 dagar kr 27.500,- 11. júní – 22. júní 2 vikur e.h. almennt námskeið 10 dagar kr 27.500,- 25. júni – 5. julí 2 vikur f.h. almennt námskeið 9 dagar kr 26.000,- 25. júní – 5. júlí 2 vikur e.h. almennt námskeið 9 dagar kr 26.000,- 9. júlí – 20. júlí 2.vikur f.h. almennt námskeið 10 dagar kr 27.500,- 9.júlí – 20. júlí 2.vikur e.h. almennt námskeið 10 dagar kr 27.500,- 23. júlí – 2. ágúst 2. vikur f.h. almennt námskeið 9 dagar kr 26.000,- 23. júlí – 2. ágúst 2 vikur e.h. almennt námskeið 9 dagar kr 26.000,-

Systkinaafsláttur er 5% af barni nr 2 og 10% af barni nr 3. Ákveðinn sveigjanleiki er fyrir hendi. Áskilinn réttur til breytinga miðað við þáttöku og aðrar aðstæður. Þátttakendum á námskeiðum Reiðskóla Mána ber að fara í einu og öllu eftir leiðbeiningum skólans.

Þátttakendum og aðstendum þeirra er bent á að hestamennska felur ávallt í sér ákveðna áhættu, einkum þar sem verið er að umgangast lifandi dýr. Vakin er athygli á að þátttakendur eru á eigin ábyrgð á reiðnámskeiðum. Þátttakendur eru ekki tryggðir á námskeiðum hjá Reiðskóla Mána og eru þeir og aðstandendur þeirra hvattir til að snúa sér til tryggingafélags síns og kaupa þar viðeigandi tryggingar.

Nánari upplýsingar

mani.is/reidskoli-mana-6/