Strandleið

Strandleið Strandleið

Strandleiðin er 10 km löngu gönguleið sem liggur meðfram sjónum allt frá Berginu í Keflavík yfir til Ytri og Innri Njarðvíkur upp á Vogastapa.

Gönguleiðin varð til í framhaldi af vinnu við að verja strönd bæjarins fyrir sjógangi en það var gert með því að nýta grjót úr jarðvinnu í Helguvík til þess að verja strandlengjuna fyrir landrofi af völdum sjávar. Við það myndaðist kjörið tækifæri til að byggja göngustíga meðfram grjótgörðunum og opna þannig nýja sýn og aðgang að fallegum strandsvæðum.

Strandleið Reykjanesbæjar hefur einnig fengið nýja ásýnd á undanförnum árum en nú hafa strendur bæjarlandsins verið hreinsaðar og ekki tíðkast lengur að henda rusli út í fjöru.

Áhersla við mótun Strandleiðarinnar er fjölnotagildi, enda hefur hún ekki síður verið vinsæl við hlaup, skokk og hjólreiðar.

Á leiðinni er hægt að skoða fjölbreytt dýralíf, gamlar varir og útróðrarstaði og bergmyndanir sem segja sögu jarðfræðinnar á lifandi hátt. Í því skyni hafa verið sett upp skilti víða á leiðinni sem segja frá ýmsum fróðleik sem tengist Strandleiðinni.

Nánari upplýsingar

www.reykjanesbaer.is/is/mannlif/afthreying-utivist/gonguleidir